Væleydnaður summar 5'ari
Fríggjadagin 30. juni var fakligi 5'arin hildin. Áleið 25 fysioterapeutar vóru møttir upp í Smæruni.
5'arin byrjaði við at Hedevig Matras hugleiddi um fortíðina, nútíðina og framtíðina á eldraøkinum, sæð við fysioterapeutiskum brillum. Hedevig er master í fólkaheilsu og starvast sum deildarleiðari í Ven og Virka hjá Norðoya bú- og heimatænastu.
Síðan greiddi Trine Skov Eysturoy frá um søkking av organum í kokuni. Trine hevur eftirútbúgving sum UroGynObs fysioterapeutur, og starvast hjá Havnar Fysioterapi.
At enda tosaði Bjartur Bernhardson Thomsen um styrkivenjingar-tilmæli fyri eldri. Bjartur hevur ein kandidat í ítrótti og heilsu, og er ein av eigarunum av NB fysioterapi.
Fyrireikarnir eru væl nøgdir við góða uppmøting og gott kjak. Ætlanin er at hava ein 5'ara aftur í vetur. So um onkur er áhugaður í at hava eina framløgu um eitt ávíst evni innan fysioterapi, er viðkomandi vælkomin til at seta seg í samband við Niklas Reginsson ella Bjartur Bernhardson Thomsen.