Til limadagin 30. september 2022, vóru limirnir bidnir um at skriva niður hvørji ynskir, limirnir høvdu til Fysioterapeutfelag Føroya. Inn komu 24 seðlar.

Nøkur av hesum ynskjum snúðu seg um:

• At gera felagið meir sjónligt
• At seta rehabilitering á dagsskrá
• At vera sjónlig í kjakum í samfelagnum – síggjast alment og politiskt
• At hava fleiri limafundir/fakligar dagar/skeiðir
• At arbeiða fyri meir samanhangi ímillum ymsu geirarnar, og betra um samstarvi ímillum sjúkrahús-, kommunalar- og privatar fysioterapeutar

Nevndin í Fysioterapeutfelag Føroya fer at arbeiða víðari við hesum ynskjunum, og ætlanin er at taka hetta upp aftur til aðalfundin, ið verður 18. februar 2023. Um limir liggja inni við fleiri ynskjum, ella møguliga vilja útgreina okkurt av innkomnu ynskjunum, er møguligt at senda ein teldupost til fys@fys.fo, og viðmerkja ”Ynskir”.