Tann 12. og 13. september vóru Annika Sørensen og Niklas Reginsson á nevndarráðstevnu í Middelfart

Danske fysioterapeuter stendur fyri árligu ráðstevnuni, og umframt Fysioterapeutfelag Føroya, eru allar nevndir í ymsu regiónunum í Danmark eisini bodnar.

Evnið á ráðstevnuni í ár var “Politik og handlekraft i regionsbestyrelserne”. Her var framløgur og kjak um hvussu vit sum fakfelag kunnu vera meira sjónlig, verða ein størri partur av samfelagsliga kjakinum og eisini fáa ávirkan politiskt.

Í hesum sambandi fingu okkara umboð eisini eitt gott prát við forkvinnuna hjá Danske fysioterapeuter, Jeanette Præstegaard, har tey m.a. fingu umrøtt framtíðar samstarvi ímillum fakfeløgini. Ætlanin er at hetta verður fylgt upp við einum online fundi í næstum.