Góði limur,

Fysioterapeutfelag Føroya hevur aðalfund leygardagin 18. februar, kl. 15.00 til 17.00 á Hotel Hafnia.

Eftir aðalfundin verður veitsla - neyðugt er við tilmelding á fys@fys.fo. Prísur fyri veitsluna er 200 kr, og tá er trírætta matskrá við í prísinum. Tilmeldingin er endalig, tá ið peningurin er fluttur.
Tilmeldingarfreistin er 7. februar.

Skrá fyri aðalfundin:

1.    Val av orðstýrara og skrivara

2.    Formannsfrágreiðing

3.    Roknskapur fyri 2021 og 2022

4.    Komandi sáttmálasamráðingar

5.    Ynskir frá limunum

6.    Innkomin mál

7.    Val av nevndarlimum

8.    Ymiskt

Sáttmálin fyri fysioterapeutar, sum starvast á almanna geiranum gekk út 1. januar 2023 og vit skulu í næstum til sáttmálasamráðingar. Vit vilja gjarna hoyra frá tykkum, um tit hava nøkur ynskir um krøv í samband við komandi samráðingar. Hetta, og onnur innkomin mál til aðalfundin skulu vera okkum í hendi í seinasta lagi 13. februar. Send teldupost til fys@fys.fo.