Eftir seinasta aðalfund, varð álagt nevndini at viðgera fyrimunir og vansar við samstarvinum við Danske Fysioterapeuter. Nevndin møttist tí í dag, til ein heildagsfund, at viðgera hetta.
Páll Nielsen, sakførari, var við eina løtu, og vegleiddi um hvat skal takast hædd fyri um samstarvi verður broytt, ella um Fysioterapeutfelag Føroya verður skipað sum sjálvstøðugt felag. Nevndin arbeiðir víðari við hesum, og tekur hetta við á aðalfundin, sum verður fyrst í komandi árið.

1. august verður útskifting í nevndini. Umboðið fyri álitisfólk verður skift, Jóngerð Biskopstø fer úr nevndini og í nevndina kemur Finngerð Jensen.
Hetta var tí seinasti nevndarfundur, har Jóngerð var við. Nevndin takkar Jóngerð fyri tíðina í nevndini og ynskir Finngerð vælkomnari.