Marjun Poulsen fysioterapeutur hevur vart sína masterritgerð, sum eitur:

"Hvussu seta føroysk vaksin børn hjá heimabúgvandi foreldrum, ið hava brúk fyri hjálp, orð á leiklut sín sum avvarðandi og hvussu skapa tey meining við honum í gerandisdegnum?"

Endamálið við ritgerðini er at fáa til vega vitan um, hvussu vaksin børn hjá heimabúgvandi

foreldrum í samrøðum við onnur í somu støðu seta orð á og skapa meining í sínum leikluti

sum umsorganargevarar. Íblásturin til vísindaligu tilgongdina er diskurssálarfrøðin. Tey greinaðu data eru samansett av trimum fokusbólkasamrøðum við tilsamans átta kvinnum í aldrinum 40 til 62 ár.

Marjun er nú master í heilsuvísindi.

Fysioterapeutgelagið ynskir Marjun hjartaliga tilluku við nýggja heitinum.