Leygardagin 3. til fríggjadagin 9. august er ein altjóða bólkur við 26 fysioterapeut
serfrøðingum savnaði í Runavík til árligt afturvendandi summarseminar. Teirra
serfrøði er innan fysioterapeutiska viðgerðarháttin Basic Body Awareness
Terapi, vanliga stytt til BBAT. Hesin viðgerðarhátturin verður m.a. nýttur til fólk
við tunglyndi, ótta, varandi pínu og langtíðar vødda trupuleikum.

Menningin av BBAT viðgerðarháttinum byrjaði í 1950’unum í teimum
norðurlendsku londunum og verður í dag nýttur um allan heimin. Høvuðskjarnan
í BBAT viðgerðini er, at man við løttum gerandisrørslum fremur rørslukvalitetin.
Royndir og gransking vísa, at støði av rørslu kvalitetinum hevur ein avgerðandi
týðning, tá umræður flest allar heilsutrupuleikum.

Seminarið verður hildið í skótahúsinum við Løkin í Runavík. Fyriskiparnir eru Lív
Egholm og Jórun Simonsen, ið báðar starvast sum fyrsioterapeutar á
Landssjúkrahúsinum á psykiatrisku deild. Á psykiatrisku deild hevur BBAT verði
ein partur av fysioterapeutiska viðgerðartilboðnum síðani 2009. Hetta er fyrsta
ferð at slíkt altjóða skeið er í Føroyum og at verða ein partur av einum altjóða
serfrøðingabólki meta tær, at verða ein styrki fyri fysioterapina í Føroyum. BBAT
viðgerðarhátturin vindur alt meira uppá seg og partur av hesum seminarinum er
at menna nýggjar hættir, til at fyribyrgja og viðgerða vaksandi heilsuavbjóðingar í
samfelaginum innan varandi pínu trupulleikar, psykosomatiskar og psykiatriskar
sjúkur.

Meira kunning fæst á http://www.iatbbat.com/

Contact for the media:
Liv Egholm
Email: lsliveg@ls.fo
Telephone: 508373

Jorun Simonsen
Email: lsjorsi@ls.fo
Telephone: 591203